Краткий летописец за 1415-1486 гг.:

В лето 53 Литва на Кологу. А князь велики к Мурому на Махметя. А на лето Суздальскои бои въ 7 иуля а въ 14 Москва погоре. В лето 54. Мамутек отпустил князя великого на великое княжение ок[тября] 1. То ж<е> зимы Шемяка да Можайской поимали князя великого да и ослепили и послали его на Углечо и съ княгынею его фев[раля] 18. А дети его бегоша в Муром. А на весну послал князь Дмитреи по них Иону, владыку Рязанского. Иона же шед, взят ихъ ис пелены у Пречистые на своей патрахили , и приде с ними ко князю Дмитрею в Переславль. Он же посла их къ князю на Углечь с тем же Ионою.